Հին դիցաբանության մեջ Բահամուտը հսկայական ձուկ կամ ծովային էակ էր, որը պահում էր Երկիր մոլորակը՝ լողալով ջրի հատակին: Fastex էկոհամակարգը նոր Բահամուտ չեյնը ստեղծելիս ոգեշնչվել է հենց այս դիցաբանական կերպարով, որը մոլորակի պահապանն էր և կրում էր այն իր վրա:
2023թ.-ի մայիսի 3-ին Բահամուտ չեյնը գործարկեց հիմնական ցանցը՝ Սահարան՝ իր «Քարավան» (execution) և «Բեդուին» (consensus) ենթամակարդակներով:
Բահամուտ չեյնի բաղկացուցիչ մասը վավերացնողների ծրագիրն է, որն օգտատերերին հնարավորություն է տալիս վաստակել պարգևներ՝ սթեյք անելով FTN Սահարա մեյննեթում։ Վավերացնողները PoSA կոնսենսուս մեխանիզմում կատարում են նույն դերը, ինչ մայներները՝ PoS-ում։ Վավերացնողների ծրագրում մասնակիցներին առաջարկվում է 20480 հասանելի տեղ, որոնցից 4000-ն արդեն ամրագրվել է անկախ վավերացնողների կողմից:
Վավերացնողների ծրագիրն ապահովում է ցանցի անխափան և բնականոն աշխատանքը՝ զուգահեռաբար առաջխաղացնելով ապակենտրոնացված հավելվածները: